KF Llapi ka kënaqësinë të njoftojë se ka arritur marrëveshje për nënshkrimin e kontratës trevjeçare me mesfushorin ofensiv brazilian, Francisco Neto.
Pas marrëveshjes së plotë me klubin brazilian Esporte Lemense, Neto i është bashkuar zyrtarisht ekipit tonë dhe pritet që sonte të udhëtojë së bashku me skuadrën drejt Antalyas, ku ekipi ynë do të zhvillojë fazën përgatitore.
Francisco Neto është formuar si futbollist në akademinë e Athletic Club–MG, ndërsa gjatë karrierës së tij ka qenë pjesë edhe e klubeve braziliane Linhares FC dhe São Carlense, duke fituar eksperiencë të vlefshme në futbollin brazilian.
Me ardhjen e Netos, KF Llapi synon të forcojë repartin ofensiv dhe t’i shtojë skuadrës kreativitet, dinamikë dhe cilësi në mesfushë.
I urojmë mirëseardhje Francisco Netos dhe suksese me fanellën bardhekaltër!
