KF Llapi ka kënaqësinë të njoftojë arritjen e marrëveshjes me futbollistin Zani Nazifi, i cili nga sot është zyrtarisht pjesë e klubit tonë.
Sulmuesi i krahut të majtë ka nënshkruar kontratë me Llapin deri në verën e vitit 2029, duke e lidhur të ardhmen e tij me klubin për tri vitet e ardhshme.
Nazifi, 21-vjeçar, vjen në Podujevë pas një periudhe shumë të suksesshme me Shkëndijën e Haraçinës, ku gjatë gjysmësezonit të fundit realizoi 12 gola dhe regjistroi 4 asistime, duke dhënë kontribut të rëndësishëm në inkuadrimin e skuadrës në Ligën e Parë të Maqedonisë së Veriut.
Gjatë karrierës së tij, ai ka qenë pjesë edhe e klubeve si Shkëndija e Tetovës, FC Shkupi dhe Besa Dobërdoll, duke grumbulluar përvojë të vlefshme në futbollin vendor dhe rajonal.
Me cilësitë e tij në repartin ofensiv, shpejtësinë dhe aftësinë për të krijuar dhe finalizuar aksione, Nazifi pritet të jetë një vlerë e shtuar për skuadrën tonë në sezonet në vijim.
Nazifi i bashkohet Llapit si pjesë e projektit të klubit për sezonet e ardhshme, duke shtuar cilësi dhe alternativa në repartin ofensiv të skuadrës.
KF Llapi i uron mirëseardhje Zanit dhe shumë suksese me fanellën e klubit tonë.
